ಪ್ರತಿ ವರ್ಷ ಜುಲೈ 31 ರಂದು ಆಚರಿಸುವ ರಾಷ್ಟ್ರೀಯ ಆವಕಾಡೋ ದಿನ ಇಂದು. “ಪೋಷಕಾಂಶಗಳ ಗಣಿ, ಪ್ರಕೃತಿಯ ಬೆಣ್ಣೆ ಹಣ್ಣು” ಎಂದು ಕರೆಯುವ ಆವಕಾಡೋ, ಈಗ ಭಾರತದಲ್ಲೂ ಆರೋಗ್ಯ ಪ್ರಜ್ಞೆಯುಳ್ಳ ಜನರ ಮೊದಲ ಆಯ್ಕೆಯಾಗಿದೆ. ಒಮ್ಮೆ “ವಿಲಾಸಿ ಹಣ್ಣು” ಎಂದೇ ಕರೆಯುತ್ತಿದ್ದ ಆವಕಾಡೋ, ಇಂದು ಪ್ರತಿಯೊಬ್ಬರ ಅಡುಗೆ ಮನೆಗೂ ಕಾಲಿಟ್ಟಿದೆ.
ಆವಕಾಡೋ ಎಂದರೇನು? : ಆವಕಾಡೋ ಮೆಕ್ಸಿಕೋ ಮತ್ತು ಮಧ್ಯ ಅಮೇರಿಕಾದ ಮೂಲದ ಹಣ್ಣು. ವೈಜ್ಞಾನಿಕ ಹೆಸರು persea americana ಅಮೆರಿಕನ್. ಇದನ್ನು “ಆಲಿಗೇಟರ್ ಪಿಯರ್” ಎಂದೂ ಕರೆಯುತ್ತಾರೆ. ಹಸಿರು ಬಣ್ಣದ ದಪ್ಪ ಸಿಪ್ಪೆ, ಒಳಗೆ ತಿಳಿ ಹಸಿರು ತಿರುಳು ಮತ್ತು ಮಧ್ಯದಲ್ಲಿ ದೊಡ್ಡ ಬೀಜ ಇರುತ್ತದೆ. ರುಚಿಯಲ್ಲಿ ಬೆಣ್ಣೆಯಂತಹ ಮೃದುತನವಿರುವುದರಿಂದ “ಪ್ರಕೃತಿಯ ಬೆಣ್ಣೆ” ಎಂಬ ಹೆಸರು ಬಂದಿದೆ.
ಆವಕಾಡೋ ಪ್ರಯೋಜನಗಳು
ಆರೋಗ್ಯದ ಗಣಿಯಾಗಿದ್ದು, ಆವಕಾಡೋವನ್ನು “ಸೂಪರ್ಫುಡ್” ಎಂದು ಕರೆಯಲು ಕಾರಣವಿದೆ.
ಆರೋಗ್ಯಕರ ಕೊಬ್ಬು ಮೊನೊ-ಅನ್ಸ್ಯಾಚುರೇಟೆಡ್ ಕೊಬ್ಬು ಇದೆ. ಇದು ಹೃದಯಕ್ಕೆ ಒಳ್ಳೆಯದು ಮತ್ತು ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡುತ್ತದೆ.
ವಿಟಮಿನ್ K, E, C, B6, ಫೋಲೇಟ್, ಪೊಟ್ಯಾಷಿಯಂ, ಮೆಗ್ನೀಷಿಯಂ ಹೇರಳವಾಗಿದೆ. ಬಾಳೆಹಣ್ಣಿಗಿಂತಲೂ ಆವಕಾಡೋದಲ್ಲಿ ಪೊಟ್ಯಾಷಿಯಂ ಎರಡು ಪಟ್ಟು ಹೆಚ್ಚು.
ಫೈಬರ್.ಜೀರ್ಣಕ್ರಿಯೆಗೆ ಸಹಕಾರಿ. ತೂಕ ಇಳಿಸಲು ಬಯಸುವವರಿಗೆ ಉತ್ತಮ.
ಆಂಟಿ-ಆಕ್ಸಿಡೆಂಟ್. ಕಣ್ಣಿನ ಆರೋಗ್ಯಕ್ಕೆ ಬೇಕಾದ ಲ್ಯೂಟಿನ್ ಮತ್ತು ಝಿಯಾಕ್ಸಾಂಥಿನ್ ಇದೆ.
ಪೌಷ್ಟಿಕ ತಜ್ಞರ ಪ್ರಕಾರ, “ದಿನಕ್ಕೆ ಅರ್ಧ ಆವಕಾಡೋ ಸೇವಿಸಿದರೆ ರಕ್ತದಲ್ಲಿನ ಸಕ್ಕರೆ ನಿಯಂತ್ರಣ, ಚರ್ಮದ ಕಾಂತಿ ಮತ್ತು ಮೆದುಳಿನ ಕಾರ್ಯಕ್ಷಮತೆ ಸುಧಾರಿಸುತ್ತದೆ”.
ಕರ್ನಾಟಕದಲ್ಲಿ ಆವಕಾಡೋ ಕೃಷಿ ಒಮ್ಮೆ ಆಮದು ಹಣ್ಣಾಗಿದ್ದ ಆವಕಾಡೋ ಈಗ ಕರ್ನಾಟಕದ ಬೆಟ್ಟಗಳಲ್ಲಿ ಬೆಳೆಯುತ್ತಿದೆ. ಕೊಡಗು, ಚಿಕ್ಕಮಗಳೂರು, ಹಾಸನ,ಮಂಡ್ಯ, ಶಿವಮೊಗ್ಗ ಜಿಲ್ಲೆಗಳ ರೈತರು ಇದನ್ನು ವಾಣಿಜ್ಯ ಬೆಳೆಯಾಗಿ ಆಯ್ಕೆ ಮಾಡಿಕೊಂಡಿದ್ದಾರೆ.
ಹವಾಮಾನ ವೈಪರೀತ್ಯದಿಂದ ಕಾಫಿ ಬೆಳೆಗೆ ಹಾನಿಯಾದಾಗ ಪರ್ಯಾಯ ಬೆಳೆಯಾಗಿ ಆವಕಾಡೋಗೆ ಬೇಡಿಕೆ ಹೆಚ್ಚಿದೆ. ತೋಟಗಾರಿಕೆ ಇಲಾಖೆಯ ಅಂಕಿ ಪ್ರಕಾರ, 2025ರಲ್ಲಿ ಕರ್ನಾಟಕದಲ್ಲಿ 1200 ಹೆಕ್ಟೇರ್ನಲ್ಲಿ ಆವಕಾಡೋ ಕೃಷಿ ನಡೆಯುತ್ತಿದೆ. “ಹಾಸ್” ಮತ್ತು “ಫುಯರ್ಟೆ” ತಳಿಗಳು ಇಲ್ಲಿ ಯಶಸ್ವಿಯಾಗಿವೆ. ಒಂದು ಮರದಿಂದ ವರ್ಷಕ್ಕೆ 200-300 ಕೆ.ಜಿ ಇಳುವರಿ ಬರುತ್ತದೆ.
ಮಂಡ್ಯದ ರೈತ ಶಿವಣ್ಣ ಅವರ ಪ್ರಕಾರ, “ಆವಕಾಡೋಗೆ ನೀರಿನ ಅವಶ್ಯಕತೆ ಕಡಿಮೆ. ಮಾರುಕಟ್ಟೆಯಲ್ಲಿ ಕೆ.ಜಿ ಗೆ 400-600 ರೂಪಾಯಿ ಬೆಲೆ ಸಿಗುತ್ತಿದೆ. ಆದ್ದರಿಂದ ರೈತರು ಆವಕಾಡೋ ಬೆಳೆಗೆ ಆಸಕ್ತಿ ತೋರಿಸುತ್ತಿದ್ದಾರೆ”.
ಅಡುಗೆಯಲ್ಲಿ ಆವಕಾಡೋ ಉಪಯೋಗವಾಗಿದೆ. ಗ್ವಾಕಮೋಲಿ, ಸ್ಮೂಥಿ, ಸಲಾಡ್, ಸ್ಯಾಂಡ್ವಿಚ್ – ಆವಕಾಡೋ ಇಲ್ಲದೆ ಇಂದಿನ ಆರೋಗ್ಯಕರ ಆಹಾರ ಪಟ್ಟಿ ಅಪೂರ್ಣ. ಕರ್ನಾಟಕದಲ್ಲೂ ಆವಕಾಡೋ ಪಲಾವ್, ಆವಕಾಡೋ ಚಟ್ನಿ, ಆವಕಾಡೋ ಲಸ್ಸಿ ಪ್ರಚಲಿತವಾಗುತ್ತಿದೆ. ಬೆಣ್ಣೆ ಮತ್ತು ಮೇಯನೀಸ್ಗೆ ಆರೋಗ್ಯಕರ ಬದಲಿ ಇದಾಗಿದೆ.ಬೆಳೆಯಲು 4-5 ವರ್ಷ ಕಾಯಬೇಕು. ನೀರು ಮತ್ತು ಸರಿಯಾದ ಹವಾಮಾನ ಬೇಕು. ಮಾರುಕಟ್ಟೆ ಜಾಲ ಮತ್ತು ಶೇಖರಣಾ ಸೌಲಭ್ಯ ಇನ್ನೂ ಕಡಿಮೆ ಇದೆ.
ರಾಷ್ಟ್ರೀಯ ಆವಕಾಡೋ ದಿನದ ವಿಶೇಷ: 3 ಸುಲಭ ರೆಸಿಪಿಗಳು.ಆವಕಾಡೋ ಗ್ವಾಕಮೋಲಿ – ಪಾರ್ಟಿ ಸ್ಟಾರ್ಟರ್
ಬೇಕಾಗುವ ಸಾಮಗ್ರಿ: 1 ಮಾಗಿದ ಆವಕಾಡೋ, 1 ಈರುಳ್ಳಿ, 1 ಟೊಮೆಟೊ, 1 ಹಸಿಮೆಣಸು, ಕೊತ್ತಂಬರಿ, ನಿಂಬೆ ರಸ, ಉಪ್ಪು
ಮಾಡುವ ವಿಧಾನ: ಆವಕಾಡೋ ತಿರುಳನ್ನು ಮ್ಯಾಶ್ ಮಾಡಿ. ಸಣ್ಣದಾಗಿ ಕತ್ತರಿಸಿದ ಈರುಳ್ಳಿ, ಟೊಮೆಟೊ, ಮೆಣಸು, ಕೊತ್ತಂಬರಿ ಸೇರಿಸಿ. ನಿಂಬೆ ರಸ, ಉಪ್ಪು ಹಾಕಿ ಮಿಕ್ಸ್ ಮಾಡಿ. ಚಿಪ್ಸ್ ಜೊತೆ ಸವಿಯಿರಿ.
ಪ್ರಯೋಜನವೇನೆಂದರೆ ಹೃದಯಕ್ಕೆ ಒಳ್ಳೆಯದು, ತೂಕ ನಿಯಂತ್ರಣಕ್ಕೆ ಸಹಕಾರಿ.
ಆವಕಾಡೋ ಸ್ಮೂಥಿ – ಬೆಳಗಿನ ಉಪಾಹಾರ
ಬೇಕಾಗುವ ಸಾಮಗ್ರಿ: 1/2 ಆವಕಾಡೋ, 1 ಬಾಳೆಹಣ್ಣು, 1 ಲೋಟ ಹಾಲು/ಬಾದಾಮಿ ಹಾಲು, 1 ಚಮಚ ಜೇನು, 4 ಐಸ್ ಕ್ಯೂಬ್
ಮಾಡುವ ವಿಧಾನ: ಎಲ್ಲವನ್ನೂ ಮಿಕ್ಸರ್ನಲ್ಲಿ ರುಬ್ಬಿ. ಬೆಳಗ್ಗೆ ಕುಡಿದರೆ ದಿನವಿಡೀ ಎನರ್ಜಿ.
ಪ್ರಯೋಜನವೇನೆಂದರೆ ಪ್ರೋಟೀನ್ + ಆರೋಗ್ಯಕರ ಕೊಬ್ಬು = ಹೊಟ್ಟೆ ತುಂಬಿದ ಅನುಭವ
ಆವಕಾಡೋ ಟೋಸ್ಟ್ – ಆಫೀಸ್ ಸ್ನ್ಯಾಕ್
ಬೇಕಾಗುವ ಸಾಮಗ್ರಿ: 2 ಬ್ರೆಡ್ ಸ್ಲೈಸ್, 1/2 ಆವಕಾಡೋ, ಕರಿಮೆಣಸು, ಚಾಟ್ ಮಸಾಲಾ, ಮೊಟ್ಟೆ ಐಚ್ಛಿಕ
ಮಾಡುವ ವಿಧಾನ: ಬ್ರೆಡ್ ಟೋಸ್ಟ್ ಮಾಡಿ. ಮೇಲೆ ಆವಕಾಡೋ ತಿರುಳನ್ನು ಹರಡಿ. ಉಪ್ಪು, ಕರಿಮೆಣಸು, ಚಾಟ್ ಮಸಾಲಾ ಸಿಂಪಡಿಸಿ. ಮೇಲೆ ಬೇಯಿಸಿದ ಮೊಟ್ಟೆ ಹಾಕಿದರೆ ಸೂಪರ್ ಪ್ರೋಟೀನ್ ಟೋಸ್ಟ್ ರೆಡಿ.
ಪ್ರಯೋಜನವೆಂದರೆ ಮಕ್ಕಳಿಂದ ದೊಡ್ಡವರವರೆಗೆ ಎಲ್ಲರ ಫೇವರೇಟ್.
ಶ್ರೀರಂಗಪಟ್ಟಣದ ಸಮರ್ಪಣ ಟ್ರಸ್ಟಿನ ಅಧ್ಯಕ್ಷ ಕೆ ಎಸ್ ಜಯಶಂಕರ್ ರಾಷ್ಟ್ರೀಯ ಆವಕಾಡೋ ದಿನವನ್ನು ಉದ್ದೇಶಿಸಿ ಮಾತನಾಡಿದ್ದಾರೆ. ಕೇವಲ ಒಂದು ಹಣ್ಣನ್ನು ಆಚರಿಸುವ ದಿನವಲ್ಲ. ಇದು ಆರೋಗ್ಯಕರ ಜೀವನಶೈಲಿ ಮತ್ತು ಸುಸ್ಥಿರ ಕೃಷಿಯ ಕಡೆಗೆ ಒಂದು ಹೆಜ್ಜೆ. “ಉತ್ತಮ ಆರೋಗ್ಯ ಮತ್ತು ಸವಿಯಾದ ದಿನ” ಬಯಸುವವರಿಗೆ ಆವಕಾಡೋ ಸೂಕ್ತ ಆಯ್ಕೆ.ಈ ಜುಲೈ 31 ರಂದು ಒಂದು ಆವಕಾಡೋ ತಿಂದು, ಆರೋಗ್ಯಕ್ಕೆ ಮತ್ತು ಸ್ಥಳೀಯ ರೈತರಿಗೆ ಬೆಂಬಲ ನೀಡೋಣ,ಆರೋಗ್ಯವೇ ಭಾಗ್ಯ ಎಂದು ಗ್ರಾಹಕರಿಗೆ ಮನವಿ ಮಾಡಿದರು
