ನಗೋಯಾ: 2026ರ ಏಷ್ಯನ್ ಗೇಮ್ಸ್‌ನ ಕಾಂಪೌಂಡ್ ಬಿಲ್ಲುಗಾರಿಕೆ (Archery) ಸ್ಪರ್ಧೆಯಲ್ಲಿ ಭಾರತದ ಪುರುಷರ ತಂಡವು ಚಿನ್ನದ ಪದಕ ಮುಡಿಗೇರಿಸಿಕೊಳ್ಳುವ ಮೂಲಕ ಐತಿಹಾಸಿಕ ಹ್ಯಾಟ್ರಿಕ್ ಚಿನ್ನದ ಸಾಧನೆ ಮಾಡಿದೆ.
ಜಪಾನ್‌ನ ನಗೋಯಾದಲ್ಲಿ ನಡೆಯುತ್ತಿರುವ ಈ ರೋಚಕ ಫೈನಲ್ ಪಂದ್ಯದಲ್ಲಿ ಭಾರತದ ಪುರುಷರ ಕಾಂಪೌಂಡ್ ತಂಡವು ಬಲಿಷ್ಠ ಚೀನಾ ತಂಡವನ್ನು 238-237 ಅಂತರದಿಂದ ಮಣಿಸಿ ಈ ಮಹತ್ತರ ಜಯ ದಾಖಲಿಸಿದೆ
ಪುರುಷರ ಕಾಂಪೌಂಡ್ ಆರ್ಚರಿ ಫೈನಲ್ ಪಂದ್ಯದಲ್ಲಿ ಚೀನಾವನ್ನು (China) 238-237 ಅಂತರದಿಂದ ಸೋಲಿಸಿ ಭಾರತ ಪುರುಷರ ತಂಡ ಚಿನ್ನದ ಪದಕ ಪಡೆದುಕೊಂಡಿದೆ. ಈ ಮೂಲಕ ಆರ್ಚರಿಯಲ್ಲಿ ಭಾರತ ಹ್ಯಾಟ್ರಿಕ್ ಚಿನ್ನ ತನ್ನದಾಗಿಸಿಕೊಂಡಿದೆ.
ಇದಕ್ಕೂ ಮುನ್ನ ನಡೆದ ಮಹಿಳೆಯರ ಕಾಂಪೌಂಡ್ ತಂಡ ವಿಭಾಗ ಹಾಗೂ ಮಿಶ್ರ (Mixed) ತಂಡ ವಿಭಾಗದಲ್ಲೂ ಭಾರತ ಈಗಾಗಲೇ ಚಿನ್ನದ ಪದಕಗಳನ್ನು ಗೆದ್ದುಕೊಂಡಿತ್ತು. ಪುರುಷರ ತಂಡದ ಈ ಗೆಲುವಿನೊಂದಿಗೆ ಭಾರತವು ಕಾಂಪೌಂಡ್ ಬಿಲ್ಲುಗಾರಿಕೆಯಲ್ಲಿ ಸತತ 3 ಚಿನ್ನದ ಪದಕಗಳ ಹ್ಯಾಟ್ರಿಕ್ ಸಾಧನೆಯನ್ನು ಪೂರ್ಣಗೊಳಿಸಿದೆ.
ಮೂರನೇ ಸುತ್ತಿನ ಅಂತ್ಯಕ್ಕೆ ಚೀನಾ ತಂಡವು 179-178 ಅಂತರದಲ್ಲಿ ಮುನ್ನಡೆ ಸಾಧಿಸಿತ್ತು. ಆದರೆ ಅಂತಿಮ ಸುತ್ತಿನಲ್ಲಿ ಅದ್ಭುತವಾಗಿ ಪುಟಿದೆದ್ದ ಭಾರತೀಯ ಶೂಟರ್‌ಗಳು ಸತತ ಹತ್ತು ಅಂಕಗಳ (10s) ನಿಖರ ಗುರಿ ಇಟ್ಟು ಕೇವಲ 1 ಅಂಕದ ರೋಚಕ ಅಂತರದಿಂದ ಜಯ ಕಸಿದುಕೊಂಡರು.
ಭಾರತದ ಪರವಾಗಿ ಸಾಹಿಲ್ ಜಾಧವ್, ಕುಶಲ್ ದಲಾಲ್ ಮತ್ತು ಗಣೇಶ್ ಮಣಿ ರತ್ನಂ ತಿರುಮುರು ಅವರ ತ್ರಯರು ಅಮೋಘ ಪ್ರದರ್ಶನ ನೀಡಿದರು. ಇದರಲ್ಲಿ ಸಾಹಿಲ್ ಜಾಧವ್ ಶೇಕಡಾ 100 ರಷ್ಟು ನಿಖರತೆಯೊಂದಿಗೆ ಎಲ್ಲಾ ಬಾಣಗಳನ್ನು 10ರ ಗುರಿಗೇ ನಾಟಿ ತಂಡದ ಹೀರೊ ಎನಿಸಿಕೊಂಡರು.
ಅದ್ಭುತ ಪ್ರದರ್ಶನಗಳ ನೆರವಿನಿಂದ 2026ರ ಏಷ್ಯನ್ ಗೇಮ್ಸ್‌ನಲ್ಲಿ ಭಾರತದ ಒಟ್ಟಾರೆ ಪದಕಗಳ ಸಂಖ್ಯೆ 59ಕ್ಕೆ ಏರಿಕೆಯಾಗಿದ್ದು, ಅದರಲ್ಲಿ 10 ಚಿನ್ನದ ಪದಕಗಳು ಸೇರಿವೆ.
