2003ರಲ್ಲಿ ಏಕದಿನ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ ಕೆಲವೇ ದಿನಗಳಲ್ಲಿ, ಈ ಲೆಗ್-ಸ್ಪಿನ್ನರ್ ಭಾರತ ತಂಡದಿಂದ ಹೊರಗುಳಿಯಬೇಕಾಯಿತು. ಇದೇ ಹಂತದಲ್ಲಿ ತಾನು ಜೀವನದ ಅತ್ಯಂತ ಕರಾಳ ಅಧ್ಯಾಯವೊಂದನ್ನು ಪ್ರವೇಶಿಸಿದೆ. ಭಾರತದ ಮಾಜಿ ಕ್ರಿಕೆಟಿಗ ಅಮಿತ್ ಮಿಶ್ರಾ, ತಮ್ಮ ವೃತ್ತಿಜೀವನದ ಆರಂಭಿಕ ವರ್ಷಗಳಲ್ಲಿ ಖಿನ್ನತೆಯೊಂದಿಗೆ ಹೋರಾಡಿದ್ದಾಗಿ ಬಹಿರಂಗಪಡಿಸಿದ್ದಾರೆ. ಎಂದು ಮಿಶ್ರಾ ತಿಳಿಸಿದ್ದಾರೆ.
ಭಾರತದ ಮಾಜಿ ಆರಂಭಿಕ ಆಟಗಾರ ಮತ್ತು ಖ್ಯಾತ ವ್ಯಾಖ್ಯಾನಕಾರ ಆಕಾಶ್ ಚೋಪ್ರಾ ಅವರೊಂದಿಗಿನ ಮುಕ್ತ ಸಂವಾದದಲ್ಲಿ, ತಾವು ಒಂದು ವರ್ಷಕ್ಕೂ ಹೆಚ್ಚು ಕಾಲ ಈ ಸಂಕಷ್ಟದ ಹಂತವನ್ನು ಎದುರಿಸಿದ್ದಾಗಿ ಮತ್ತು ಆ ಸಮಯದಲ್ಲಿ, ತಮ್ಮ ಕಷ್ಟವನ್ನು ಹಂಚಿಕೊಳ್ಳಲು ಅಥವಾ ಸಹಾಯ ಪಡೆಯಲು ಯಾರೂ ಇರಲಿಲ್ಲ ಎಂದು ತಿಳಿಸಿದ್ದಾರೆ.
ನಿಜ ಹೇಳಬೇಕೆಂದರೆ, ನನ್ನ ಕೆಟ್ಟ ಸಮಯದಲ್ಲಿ ಮಾತನಾಡಲು ನನ್ನ ಬಳಿ ಯಾರೂ ಇರಲಿಲ್ಲ. ಕುಟುಂಬದವರಿಗೂ ನಾನು ಏನನ್ನೂ ಹೇಳಲಾಗಲಿಲ್ಲ. ಈ ವಿಷಯಗಳ ಬಗ್ಗೆ ಯಾರೊಂದಿಗೂ ಚರ್ಚಿಸಲು ಸಾಧ್ಯವಾಗಲಿಲ್ಲ. ನಾನು ಸಂಪೂರ್ಣವಾಗಿ ಏಕಾಂಗಿಯಾಗಿದ್ದೆ. ಆದರೆ, ನಾನು ಉತ್ತಮ ಪ್ರದರ್ಶನ ನೀಡದ ಹೊರತು ಪರಿಸ್ಥಿತಿ ಸುಧಾರಿಸುವುದಿಲ್ಲ ಎಂದು ನನಗೆ ಅರಿವಾಯಿತು ಎಂದರು.
ಬ್ಯಾಟಿಂಗ್‌ನಲ್ಲೂ ಸುಧಾರಣೆ ಮಾಡಿಕೊಳ್ಳುವಂತೆ ನನಗೆ ಸಲಹೆ ನೀಡಲಾಗಿತ್ತು, ಅದರಂತೆಯೇ ನಾನು ಅಭ್ಯಾಸ ಮಾಡಿದೆ. ಒಂದು ಆವೃತ್ತಿಯಲ್ಲಿ ನಾನು ಉತ್ತಮ ಪ್ರದರ್ಶನ ನೀಡಿದೆ. ನಂತರ ನನ್ನನ್ನು ದುಲೀಪ್ ಟ್ರೋಫಿಗೆ ಆಯ್ಕೆ ಮಾಡಲಾಯಿತು. ಆಗ ನನಗೆ ಅರಿವಾಯಿತು – ವಿಷಯಗಳು ಹೀಗೆಯೇ ಮುಂದುವರಿಯಬೇಕು ಎಂದು. ನನಗೆ ಗಾಡ್‌ಫಾದರ್ ಯಾರೂ ಇರಲಿಲ್ಲ, ಆದ್ದರಿಂದ ನಾನು ಪದೇ ಪದೆ ನನ್ನ ಸಾಮರ್ಥ್ಯವನ್ನು ಸಾಬೀತುಪಡಿಸುತ್ತಲೇ ಇರಬೇಕೆಂದು ನನಗೆ ತಿಳಿದಿತ್ತು. ನನ್ನ ಕೋಚ್ ಕೂಡ ನನಗೆ ಇದನ್ನೇ ಹೇಳಿದ್ದರು’ ಎಂದು ಮಿಶ್ರಾ ತಿಳಿಸಿದರು.
‘ನಾನು ಭಾರತ ತಂಡಕ್ಕಾಗಿ ಆಡಿದ್ದೆ, ಆದರೆ ನಂತರ ನನ್ನನ್ನು ಕೈಬಿಡಲಾಯಿತು. ಆ ಬಳಿಕ ದುಲೀಪ್ ಟ್ರೋಫಿ ತಂಡದಲ್ಲಿ ನನಗೆ ಸ್ಥಾನ ಸಿಗಲಿಲ್ಲ. ವಲಯ ಮಟ್ಟದ (ಝೋನಲ್) ಪಂದ್ಯಗಳಿಗಾಗಿ ಆಯ್ಕೆಯಾದ ‘ಇಂಡಿಯಾ ಎ’ ತಂಡದಲ್ಲೂ ನಾನು ಇರಲಿಲ್ಲ. ನನ್ನೊಂದಿಗೆ ಏನಾಗುತ್ತಿದೆ ಎಂಬುದು ನನಗೆ ಅರ್ಥವಾಗಲಿಲ್ಲ. ಒಂದು ಸೀಸನ್ ನನಗೆ ತುಂಬಾ ಕೆಟ್ಟದಾಗಿತ್ತು’ ಎಂದು ಅವರು ಹೇಳಿದರು.
‘ಆಗ ಆಯ್ಕೆಗಾರರೊಬ್ಬರು, ನಾನು ಉತ್ತಮ ಪ್ರದರ್ಶನ ನೀಡುತ್ತಿಲ್ಲ ಎಂದು ಹೇಳಿದರು. ನಾನು ನಿಧಾನವಾಗಿ ಯೋಚಿಸಿದೆ; ಆಗ ನನಗೆ ಅರಿವಾಯಿತು ಏನೆಂದರೆ, ನಾನು ಕೇವಲ ಭಾರತ ತಂಡಕ್ಕಾಗಿ ಆಡುವ ಬಗ್ಗೆಯೇ ಯೋಚಿಸುತ್ತಿದ್ದೆ, ಆದರೆ ದೇಶೀಯ ಕ್ರಿಕೆಟ್‌ನಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿರಲಿಲ್ಲ’ ಎಂದು ಮಿಶ್ರಾ ತಿಳಿಸಿದರು.
‘ನಾನು ಒಂದೂವರೆ ವರ್ಷಗಳ ಕಾಲ ಖಿನ್ನತೆಗೆ ಒಳಗಾಗಿದ್ದೆ. ನನ್ನ ತಪ್ಪು ಏನಿತ್ತು ಎಂದು ಪದೇ ಪದೆ ಯೋಚಿಸುತ್ತಿದ್ದೆ. ನಾನು ಎಲ್ಲೆಡೆ ಆಡುತ್ತಿದ್ದೆ, ಆದರೆ ನನ್ನ ಮನಸ್ಸಿನಲ್ಲಿ ಒಂದೇ ಪ್ರಶ್ನೆ ಇತ್ತು: ‘ನಾನು ಏನು ತಪ್ಪು ಮಾಡಿದೆ?’ ಎಂದು ಮಿಶ್ರಾ ಹೇಳಿದರು.
ಭಾರತ ತಂಡಕ್ಕೆ ಪದಾರ್ಪಣೆ ಮಾಡಿದ ಉತ್ತುಂಗ ಸ್ಥಿತಿಯಿಂದ, ಮುಂದಿನ ಕೆಲವು ವರ್ಷಗಳಲ್ಲಿ ಮಿಶ್ರಾರ ವೃತ್ತಿಜೀವನವು ಅವನತಿಯತ್ತ ಸಾಗಿತು. ಅವರು ದೇಶೀಯ ತಂಡಗಳಿಂದಲೂ ಹೊರಗುಳಿಯಬೇಕಾಯಿತು ಮತ್ತು ಕಳಪೆ ಫಾರ್ಮ್‌ನ ಸುಳಿಗೆ ಸಿಲುಕಿದರು.
