ಇತ್ತೀಚೆಗೆ ತೆರೆ ಮೇಲೆ ಕಾಣಿಸಿಕೊಳ್ಳುವ ಚಿತ್ರಗಳು ಮಹಿಳಾ ಸಬಲೀಕರಣಕ್ಕೆ ಸಾಕ್ಷಿಯಾಗುತ್ತಿದ್ದು, ಸಿನಿಮಾ ಎಂದರೆ,ಅಲ್ಲಿ ಪುರುಷರು ಮಾತ್ರ ನಾಯಕ ಸ್ಥಾನದಲ್ಲಿ ಇರುತ್ತಿದ್ದರು. ಹೆಣ್ಣು ಮಕ್ಕಳನ್ನು ನಾಚುವ ನಾರಿಯಂತೆ ಇಲ್ಲವೆ, ಅಡುಗೆ ಮನೆಗೆ ಸೂಕ್ತ ಎನ್ನುವಂತೆ ಬಿಂಬಿಸುತ್ತಿದ್ದರು. ಆದರೆ ಇದೀಗ ಜನರ ಮೈಂಡ್ ಸೆಟ್ ಚೇಂಜ್ ಆಗಿದೆ ಅದರ ತಕ್ಕಂತೆ ಚಿತ್ರರಂಗವೂ ಹೊಸ ಹೊಸ ಸಿನಿಗಳ ಮೂಲಕ ಪ್ರೇಕ್ಷಕರ ಮನಸ್ಸನ್ನು ಗೆಲ್ಲುತ್ತಿದೆ. ಚಿತ್ರದಲ್ಲಿ ನಾಯಕಿಯರೂ ನಾಯಕನ ಸ್ಥಾನದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೇ ರೀತಿ ‘ಬ್ಲಾಸ್ಟ್ ಝೋನ್’ ಹೆಣ್ಣು ಮಕ್ಕಳ ಮನಸ್ಸನ್ನು ಗೆಲ್ಲುವಲ್ಲಿ ಮಹತ್ತರ ಹೆಜ್ಜೆ ಇಟ್ಟಿದೆ.
ಹೌದು ಸಾಕಷ್ಟು ಸಿನಿಮಾದಲ್ಲಿ ಪ್ರೀತಿ-ಪ್ರೇಮ ಓಡಿ ಹೋಗಿ ಮದುವೆಯಾಗುವುದು ರೋಮ್ಯಾನ್ಸ್ ಈ ರೀತಿಯ ವಿಷಯದಲ್ಲಿ ಕಾಣಿಸಿಕೊಳ್ಳುತ್ತಿದ್ದವು ಆದರೇ ಇದೀಗ ಹೆಚ್ಚಾಗಿ ಚಿತ್ರಗಳಲ್ಲಿ ದೇಶ ಪ್ರೇಮ,ಕುಟುಂಬಕ್ಕೆ ಪ್ರಮುಕ ಸ್ಥಾನ ನೀಡುತ್ತಿದ್ದಾರೆ. ಈ ವಿಚಾರಕ್ಕೆ ‘ಬ್ಲಾಸ್ಟ್ ಝೋನ್’ ಚಿತ್ರ ಸಾಕ್ಷಿಯಾಗಿದೆ.
ಸಿನಿ ಸ್ಟೋರಿ ಇಲ್ಲಿದೆ ನೋಡಿ
ಈ ಚಿತ್ರವು ತಮಿಳಿನಲ್ಲಿ ‘ಬ್ಲಾಸ್ಟ್’ ಮತ್ತು ತೆಲುಗಿನಲ್ಲಿ ‘ಬ್ಲಾಸ್ಟ್ ಝೋನ್’ ಎಂಬ ಹೆಸರಿನ ಮೂಲಕ ಬಿಡುಗಡೆಯಾಗಿದೆ.
ಕರಾಟೆ ಶಾಲೆ ಮತ್ತು ಔಷಧಾಲಯವನ್ನು ನಡೆಸುತ್ತಿರುವ ರಾಜಾರಾಮ್ (ಅರ್ಜುನ್), ತನ್ನ ಹೆಂಡತಿ (ಅಭಿರಾಮಿ), ಮಗಳು ಮತ್ತು ಸಹೋದರನೊಂದಿಗೆ ಸರಳ ಜೀವನ ನಡೆಸುತ್ತಾನೆ. ಅವನು ತನ್ನ ಮಗಳಿಗೆ ಕರಾಟೆ ಕಲಿಸುತ್ತಾನೆ ಮತ್ತು ನಿರ್ಗತಿಕರಿಗೆ ಸಹಾಯ ಮಾಡುವ ಮಹತ್ವದ ಬಗ್ಗೆಯೂ ಅವಳಿಗೆ ಶಿಕ್ಷಣ ನೀಡುತ್ತಾನೆ. ರಾಜಾರಾಮ್ ಮತ್ತು ಅವನ ಕುಟುಂಬವು ಗಣಿಗಾರಿಕೆಯ ದೊರೆ ವರುಣ್ ದಯಾಲನ್ (ಜಾನ್ ಕೊಕ್ಕೆನ್) ವಿರುದ್ಧ ಹೋರಾಡಲು ಮುಂದಾದಾಗ ಏನಾಗುತ್ತದೆ? ವರುಣ್ ದಯಾಲನ್ ನಂತಹ ಪ್ರಬಲ ಉದ್ಯಮಿ ವಿರುದ್ಧದ ಹೋರಾಟದಲ್ಲಿ ಕುಟುಂಬವು ಹೇಗೆ ವಿಜಯಶಾಲಿಯಾಯಿತು? ಕಥೆಯ ಉಳಿದ ಭಾಗವನ್ನು ರೂಪಿಸುತ್ತದೆ.
ಆಕ್ಷನ್ ಕಿಂಗ್’ ಅರ್ಜುನ್ ರಾಜಾರಾಮ್ ಪಾತ್ರಕ್ಕೆ ಸಖತ್ ಸೆಟ್ ಆಗಿದ್ದಾರೆ. ಕರಾಟೆ ಪಟು ಪಾತ್ರದಲ್ಲಿ ಕಾಣಿಸಿಕೊಂಡ ಅವರ ಮೈಕಟ್ಟು ಮಸ್ತ್ ಆಗಿ ಮೂಡಿ ಬಂದಿದೆ. ಆಕ್ಷನ್ ಸನ್ನಿವೇಶಗಳಲ್ಲಿ ಸಲೀಸಾಗಿ ಕಾಣಿಸಿಕೊಳ್ಳುವುದರ ಜೊತೆಗೆ, ಕುಟುಂಬದ ಮುಖ್ಯಸ್ಥರಾಗಿ ಅವರು ಬಹಳ ಸಂಯಮದ ಅಭಿನಯ ನೀಡಿದ್ದಾರೆ. ಕಾಳಜಿಯುಳ್ಳ ತಾಯಿ ಮತ್ತು ಮಾಜಿ ಕರಾಟೆ ಪಟು ಪಾತ್ರದಲ್ಲಿ ಅಭಿರಾಮಿ ಉತ್ತಮ ಅಭಿನಯ ನೀಡಿದರು ಮತ್ತು ಆಕ್ಷನ್ ಸನ್ನಿವೇಶಗಳಲ್ಲಿ ಅದ್ಭುತವಾಗಿ ಕಾಣುತ್ತಿದ್ದರು. ಪ್ರೀತಿ ಮುಖುಂದನ್ ಅವರ ವಿಷಯದಲ್ಲೂ ಇದೇ ಆಗಿದೆ. ಚಿತ್ರದ ಪೂರ್ವ ನಿರ್ಮಾಣದ ಸಮಯದಲ್ಲಿ ಇಬ್ಬರೂ ನಟಿಯರು ಕರಾಟೆ ಕಾರ್ಯಾಗಾರಗಳಲ್ಲಿ ಭಾಗವಹಿಸುತ್ತಿದ್ದರು ಮತ್ತು ಆಕ್ಷನ್ ಸಂಚಿಕೆಗಳ ಸಮಯದಲ್ಲಿ ಅವರ ಎಲ್ಲಾ ಪ್ರಯತ್ನಗಳನ್ನು ಪರದೆಯ ಮೇಲೆ ಕಾಣಬಹುದು.
ನಟಿಯರ ಕರಾಟೆ ಮನ ತಣಿಸುವುದರ ಜತೆಗೆ ಸಿನಿ ನೋಡಿದ ಯುವತಿಯರೆಲ್ಲಾ ನಾವು ಕರಾಟೆ ಕಲಿಯಬೇಕು ಎನ್ನುವ ನಿರ್ಧಾರ ಮಾಡಿದ್ದಾರೆ. ಬ್ಲಾಸ್ಟ್ ಝೋನ್ನಲ್ಲಿ, ಕುಟುಂಬದ ನಾಲ್ವರು ಸದಸ್ಯರನ್ನು ಹೀರೋ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ನಾಲ್ವರೂ ತಮ್ಮ ಕುಟುಂಬವನ್ನು ಉಳಿಸಲು ಪ್ರತಿಸ್ಪರ್ಧಿಯ ವಿರುದ್ಧ ಹೋರಾಡಲು ಸಮಾನವಾಗಿ ಸಮರ್ಥರಾಗಿದ್ದಾರೆ. ನಿರ್ದೇಶಕ ಮತ್ತು ಚಿತ್ರಕಥೆಗಾರ ಸುಭಾಷ್ ಕೆ. ರಾಜ್, ಈ ನಾಲ್ಕು ಪಾತ್ರಗಳು ಮತ್ತು ಚಿತ್ರದಲ್ಲಿನ ಉಳಿದ ಪಾತ್ರಗಳ ಸುತ್ತಲೂ ಬುದ್ಧಿವಂತ ಚಿತ್ರಕಥೆ ಬಳಸಿದ್ದಾರೆ ಮತ್ತು ಚಿತ್ರದುದ್ದಕ್ಕೂ ಪ್ರೇಕ್ಷಕರನ್ನು ನಿಯಮಿತವಾಗಿ ರೋಮಾಂಚನಗೊಳಿಸುತ್ತದೆ.
ಕುಟುಂಬದ ನಾಲ್ವರು ಸದಸ್ಯರನ್ನು ಬಲವಾದ ಮನಸ್ಸಿನ ವ್ಯಕ್ತಿಗಳೆಂದು ತೋರಿಸಿದ್ದಾರೆ. ಮತ್ತು ಇಲ್ಲಿ ಕರಾಟೆಯ ಫೈಟ್ ಅದ್ಭುತವಾಗಿ ಮೂಡಿ ಬಂದಿದೆ. ಇಬ್ಬರು ನಾಯಕಿಯರ ನಟನೆ ಅವರ ಫೈಟ್ ಹೀರೋಗಳನ್ನು ಮೆಟ್ಟಿನಿಲ್ಲುವಂತಿದೆ.ಒಟ್ಟಾರೆಯಾಗಿ, ಚಿತ್ರ ಸುಂದರವಾಗಿದ್ದು, ಕುಟುಂಬದೊಂದಿಗೆ ವಿಕ್ಷಿಸಬಹುದು. ‘ಬ್ಲಾಸ್ಟ್ ಝೋನ್’ ಚಿತ್ರ ಮಹಿಳಾ ಸಬಲೀಕರಣದ ಮಹತ್ವ ನೀಡಿದೆ.
