2026ರ ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್ ಧರಿಸಿದ್ದ 30 ಕ್ಯಾರೆಟ್ ಪಚ್ಚೆ (Emerald) ಪೆಂಡೆಂಟ್ನಲ್ಲಿ ಪವಿತ್ರ ಕುರಾನ್ನ ‘ಆಯತ್-ಉಲ್-ಕುರ್ಸಿ’ (Ayat-ul-Kursi) ಪದ್ಯವನ್ನು ಕೆತ್ತಲಾಗಿದೆ. ಸುಮಾರು 200 ವರ್ಷಗಳಷ್ಟು ಹಳೆಯದಾದ ಈ ಭೋಪಾಲ್ ರಾಜಮನೆತನದ ಆಭರಣವನ್ನು ಫ್ಯಾಷನ್ಗಾಗಿ ಧರಿಸಲಾಗಿದೆ ಎಂಬ ಆರೋಪದ ಮೇಲೆ ನಟಿಗೆ ಲೀಗಲ್ ನೋಟಿಸ್ ಜಾರಿಗೊಳಿಸಲಾಗಿದೆ.
ಪೆಂಡೆಂಟ್ನ ವಿಶೇಷತೆ ಮತ್ತು ಇತಿಹಾಸ : ಕುರಾನ್ ಪದ್ಯ. ವಜ್ರಗಳಿಂದ ಸುತ್ತುವರಿದ ಈ 30 ಕ್ಯಾರೆಟ್ ಪಚ್ಚೆ ಹರಳಿನ ಮೇಲೆ ಕುರಾನ್ನ ಎರಡನೇ ಅಧ್ಯಾಯವಾದ ‘ಸೂರಾ ಅಲ್-ಬಖರಾ’ದ 255ನೇ ಶ್ಲೋಕವಾದ ಆಯತ್-ಉಲ್-ಕುರ್ಸಿ ಕೆತ್ತಲಾಗಿದೆ. ಇಸ್ಲಾಂ ಧರ್ಮದಲ್ಲಿ ಈ ಪದ್ಯಕ್ಕೆ ಅತ್ಯಂತ ಪವಿತ್ರ ಸ್ಥಾನವಿದೆ.
ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್ ಅವರು ದೀಪಾವಳಿ ಹಬ್ಬದಂದು ಧರಿಸಿದ್ದ ಪಚ್ಚೆ ಪೆಂಡೆಂಟ್ನಲ್ಲಿ ಖುರಾನ್ ಪದ್ಯ ಆಯತ್-ಉಲ್-ಕುರ್ಸಿಯನ್ನು ಹೊಂದಿದ್ದು, ಇದೀಗ ವಿವಾದಕ್ಕೆ ಕಾರಣವಾಗಿದೆ.
ಭೋಪಾಲ್ ರಾಜಮನೆತನಕ್ಕೆ ಸೇರಿದ 30 ಕ್ಯಾರೆಟ್ ಪಚ್ಚೆ ಪೆಂಡೆಂಟ್ ಸುಮಾರು 200 ವರ್ಷಗಳಷ್ಟು ಹಳೆಯದಾಗಿದ್ದು, ಇದರಲ್ಲಿ ಪವಿತ್ರ ಕುರಾನ್ನ ಆಯತುಲ್ ಕುರ್ಸಿ ಪದ್ಯ ಕೆತ್ತಲಾಗಿದೆ. ಇದನ್ನು ಫ್ಯಾಷನ್ ಪರಿಕರವಾಗಿ ಧರಿಸಿದ್ದಕ್ಕೆ ಆಕ್ಷೇಪ ವ್ಯಕ್ತಪಡಿಸಿರುವ ಕಾಂಗ್ರೆಸ್ ನಾಯಕ ಅಬ್ಬಾಸ್ ಹಫೀಜ್, ಕರೀನಾ ಅವರಿಗೆ ಲೀಗಲ್ ನೋಟಿಸ್ ಕಳುಹಿಸಿದ್ದಾರೆ.
ಕರೀನಾ ಕಪೂರ್ ಅವರು ಮುಸ್ಲಿಂ ಸಮುದಾಯದ ಕ್ಷಮೆ ಕೇಳಬೇಕು. ಕುರಾನ್ನ ವಚನಗಳು ಮುಸ್ಲಿಮರಿಗೆ ಧಾರ್ಮಿಕವಾಗಿ ಅತ್ಯಂತ ಮಹತ್ವದ್ದಾಗಿವೆ. ಅವುಗಳನ್ನು ಗೌರವದಿಂದ ಕಾಣಬೇಕು. ಕೆಲವರು ಧಾರ್ಮಿಕ ಶುದ್ಧೀಕರಣವಾದ ವುಡು ಮಾಡದೆ ಕುರಾನ್ನ ವಚನಗಳನ್ನು ಮುಟ್ಟುವುದನ್ನೂ ತಪ್ಪಿಸುತ್ತಾರೆ ಎಂದು ಹಫೀಜ್ ಹೇಳಿದ್ದಾರೆ.
ಸಾಮಾಜಿಕ ಮಾಧ್ಯಮದಲ್ಲಿರುವ ಫೋಟೋಗಳನ್ನು ತೆಗೆದುಹಾಕುವಂತೆ ಮತ್ತು ಅದನ್ನು ಧರಿಸಿದ್ದಕ್ಕಾಗಿ ಸಾರ್ವಜನಿಕವಾಗಿ ಕ್ಷಮೆಯಾಚಿಸುವಂತೆ ಕಾಂಗ್ರೆಸ್ ವಕ್ತಾರ ಅಬ್ಬಾಸ್ ಹಫೀಜ್ ಅವರು ಕರೀನಾ ಕಪೂರ್ ಅವರಿಗೆ ನೋಟಿಸ್ ಕಳುಹಿಸಿದ್ದಾರೆ.
ರಾಜಮನೆತನದ ಪರಂಪರೆ. ಈ ಆಭರಣವು ಮೂಲತಃ ಭೋಪಾಲ್ನ ಕೊನೆಯ ನವಾಬ ಹಮೀದುಲ್ಲಾ ಖಾನ್ ಅವರ ಪುತ್ರಿ ಹಾಗೂ ಸೈಫ್ ಅಲಿ ಖಾನ್ ಅವರ ಅಜ್ಜಿ ಬೇಗಂ ಸಾಜಿದಾ ಸುಲ್ತಾನ್ ಅವರಿಗೆ ಸೇರಿದ್ದಾಗಿದೆ. ಮದುವೆಯ ನಂತರ ಇದು ಕರೀನಾ ಕಪೂರ್ ಅವರಿಗೆ ಬಳುವಳಿಯಾಗಿ ಬಂದಿದೆ.
ದೀಪಾವಳಿ ಉಡುಪು. ಕರೀನಾ ಅವರು ಪುನೀತ್ ಬಲಾನಾ ವಿನ್ಯಾಸಗೊಳಿಸಿದ ಕಾಫ್ತಾನ್ ಮತ್ತು ಟರ್ಬನ್ಗೆ (ಪೇಟ) ಹೊಂದಿಕೆಯಾಗುವಂತೆ ಈ ಐತಿಹಾಸಿಕ ನೆಕ್ಲೇಸ್ ಹಾಗೂ ನವಾಬರ ಕಾಲದ ಕಲ್ಗಿ (Kalgi) ಧರಿಸಿ ಫೋಟೋಗಳನ್ನು ಹಂಚಿಕೊಂಡಿದ್ದರು
ನೋಟಿಸ್ ಜಾರಿ. ಮಧ್ಯಪ್ರದೇಶ ಕಾಂಗ್ರೆಸ್ ವಕ್ತಾರ ಮತ್ತು ಸಾಮಾಜಿಕ ಕಾರ್ಯಕರ್ತ ಅಬ್ಬಾಸ್ ಹಫೀಜ್ ಅವರು ನಟಿ ಕರೀನಾ ಕಪೂರ್ ಮತ್ತು ಅವರ ಸ್ಟೈಲಿಸ್ಟ್ ರಿಯಾ ಕಪೂರ್ ಅವರಿಗೆ ಲೀಗಲ್ ನೋಟಿಸ್ ಕಳುಹಿಸಿದ್ದಾರೆ.
ಪವಿತ್ರ ಕುರಾನ್ ವಚನವಿರುವ ಆಭರಣವನ್ನು ಕೇವಲ ಫ್ಯಾಷನ್ ವಸ್ತುವಿನಂತೆ ಪ್ರದರ್ಶಿಸುವುದು ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತರುತ್ತದೆ ಎಂದು ಹಫೀಜ್ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಇದನ್ನು ತಮ್ಮ ವೈಯಕ್ತಿಕ ನೆಲೆಯಲ್ಲಿ ಮಾಡುತ್ತಿದ್ದು, ಇದಕ್ಕೂ ಕಾಂಗ್ರೆಸ್ ಪಕ್ಷಕ್ಕೂ ಸಂಬಂಧವಿಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.








ಇನ್ನೂ ಯಾವುದೇ ಕಾಮೆಂಟ್ ಇಲ್ಲ. ಮೊದಲ ಕಾಮೆಂಟ್ ನೀವೇ ಬರೆಯಿರಿ! (Be the first to comment.)